Tamil osai

விளம்பரங்களில் அசத்தும் ஜெனிலியா

தமிழ், தெலுங்கு, இந்தி என மூன்று மொழிகளிலும் கலக்கிக் கொண்டிருக்கிறார் நடிகை ஜெனிலியா.

தற்போது சந்தோஷ் சிவன் இயக்கத்தில் 'உருமி' படம் மூலமாக மலையாளத்திலும் கால் பதித்திருக்கும் ஜெனிலியா, சமீபகாலமாக அதிகமான விளம்பர படங்களில் நடித்து வருகிறார். இதுபற்றி அவர் கூறியது விளம்பரப் படங்கள், ஒவ்வொரு நடிகர், நடிகைக்கும் முக்கியமானது. படங்களில் நடிகர், நடிகைகள் அந்தந்த கேரக்டராக மட்டுமே நடிக்க முடியும். ஆனால் விளம்பரங்களில் மட்டும்தான் இயல்பாக, எப்படி இருக்கிறோமோ அப்படி நடிக்க முடியும். அது மட்டுமில்லாமல் டி.வி விளம்பரங்களில் நடிக்கும்போது, நடிகையாக மக்களை அடைவதை விட, அதிகமான மக்களைச் சென்றடைய முடியும். எப்போதாவது ரசிகர், ரசிகைகளை சந்திக்கும்போது நான் ஏற்கும் வேடங்கள் பற்றி பேசுகிறார்கள். நான் கிளாமராக நடிக்காதது பற்றியும் அவர்களது கேள்வி இருக்கிறது. ஆனால், உடைகளை குறைத்தால் அதிகமாக ரீச் ஆக முடியும் என்று நான் நம்பவில்லை. சந்தோஷ் சிவன் இயக்கத்தில் நான் நடித்துள்ள 'உருமி' படம் முடிந்துவிட்டது. இதில் என் கேரக்டர் பேசப்படும் விதமாக இருக்கும்.