தமிழ் ஓசை

புலராத பொழுது..!!!

மலர்ந்திட்ட முகத்திலாள்
மையிட்ட கண்ணிலாள்
மாங்கனி நிறத்திலாள்
மாதுளம் இதழினாள்
மென்னடை பேச்சினாள்
மெல்லிய இடையினாள்
நான் கொண்ட காதலியை
கவி சொல்ல வார்த்தையில்லை

பொங்கலின் மறுநாளில்
புலராத பொழுதினிலே
எங்கிருந்தோ வந்த செல்
இவள் வீட்டில் விழுந்ததையா
அந்நொடியே அவளுயிரை
காவு கொண்டு சென்றதுவே

துடிதுடித்த என் நெஞ்சம்
அவள் நினைவை சுமந்துகொண்டு
துயர்தோய்ந்த மனதோடும்
அன்றுதொட்டு என் வாழ்வில்
புலராத பொழுதாகி
தனிமையெனும் நிலைகொண்டு
வாழுகின்றேன் இவ்வுலகில்...By.kapilan